نیتن یاہو کا ابوظہبی کا غیر اعلانیہ دورہ، یو اے ای کے صدر سے ملاقات

ذرائع کے مطابق اسرائیلی وزیر اعظم بنجامن نیتن یاہو نے اتوار کو ابوظہبی کا اچانک دورہ کیا اور متحدہ عرب امارات کے صدر شیخ محمد بن زید النہیان سے ملاقات کی۔ ایک سینئر اسرائیلی اہلکار نے اس دورے کی تصدیق کی۔ تاہم اس دورے کے بارے میں نیتن یاہو کے دفتر یا متحدہ عرب امارات کی وزارت خارجہ کی جانب سے فوری طور پر کوئی بیان سامنے نہیں آیا۔

نیتن یاہو کا دورہ 7 اکتوبر 2023 کو حماس کے حملے سے قبل متحدہ عرب امارات کی جانب سے مبینہ انتباہ کے بارے میں قیاس آرائیوں کے درمیان آیا ہے۔ اسرائیلی اخبار ہاریٹز نے اس ماہ کے شروع میں اس معاملے پر ایک رپورٹ شائع کی تھی۔ اطلاعات کے مطابق یو اے ای کے صدر شیخ محمد بن زید النہیان نے 7 اکتوبر کے حملے سے تقریباً ڈیڑھ ہفتہ قبل نیتن یاہو کو خبردار کیا تھا کہ حماس اسرائیل کے خلاف ایک بڑے آپریشن کی تیاری کر رہی ہے۔

اسرائیلی اخبار ہاریٹز نے بتایا کہ صدر شیخ محمد بن زید النہیان نے 7 اکتوبر 2023 کے حملے سے تقریباً ڈیڑھ ہفتہ قبل نیتن یاہو کو خبردار کیا تھا کہ حماس اسرائیل کے خلاف ایک بڑی کارروائی کی تیاری کر رہی ہے۔ تاہم یہ وارننگ اسرائیلی خفیہ ایجنسیوں یا فوج تک نہیں پہنچی۔اس مبینہ دورے نے یو اے ای اور اسرائیل کے تعلقات کو اجاگر کر دیا ہے۔

دریں اثناء نیتن یاہو کے دورہ ابوظہبی کی تصدیق اسرائیل کے ایک سینئر اہلکار نے کی۔ انہوں نے کہا کہ نیتن یاہو نے متحدہ عرب امارات کے صدر سے ملاقات کی۔ تاہم اس دورے کے حوالے سے نیتن یاہو کے دفتر یا متحدہ عرب امارات کی وزارت خارجہ کی جانب سے فوری طور پر کوئی تبصرہ نہیں کیا گیا۔