کولگام میں اے ٹی ایم فراڈ کا انکشاف، 9.5 لاکھ روپے برآمد، 2 خواتین گرفتار

کولگام میں اے ٹی ایم فراڈ کا پردہ فاش، 9.5 لاکھ روپے برآمد، ہریانہ کی دو خواتین گرفتار کولگام، 29 اکتوبر: جنوبی کشمیر کے ضلع کولگام میں اے ٹی ایم کارڈ تبدیل کرکے ساڑھے نو لاکھ روپے کی مبینہ دھوکہ دہی کے معاملے میں پولیس نے اہم کامیابی حاصل کرتے ہوئے ہریانہ سے دو خواتین کو گرفتار کرلیا ہے، جبکہ دھوکہ دہی کی پوری رقم بھی برآمد کرلی گئی ہے۔ پولیس کے مطابق، ایک خاتون نے شکایت درج کرائی تھی کہ میر بازار میں اے ٹی ایم استعمال کرنے کے دوران اس کا کارڈ تبدیل کیا گیا، جس کے بعد اس کے بینک اکاؤنٹ سے غیر قانونی طور پر 9.5 لاکھ روپے نکالے گئے۔ معاملے کی تحقیقات کے دوران سی سی ٹی وی فوٹیج اور تکنیکی شواہد کی مدد سے مبینہ مرکزی ملزمان کی شناخت کی گئی۔