نیپال کے اوپر ایک بار پھر منڈلا رہا بڑا خطرہ، لینڈ سلائیڈنگ سے رکی ندی، کبھی بھی آسکتا ہے سیلاب

نیپال میں مسلسل بارش کے درمیان ایک اور بڑا خطرہ پیدا ہو گیا ہے۔ دارچولا ضلع میں شدید لینڈ سلائیڈنگ کے بعد چولانی ندی کا بہاؤ جزوی طور پر رک گیا ہے۔ ندی میں بڑی مقدار میں ملبہ گرنے سے پانی کا راستہ تنگ ہو گیا ہے۔ انتظامیہ کو خدشہ ہے کہ اگر دوبارہ لینڈ سلائیڈنگ ہوئی اور ندی مکمل طور پر بند ہو گئی تو جمع پانی اچانک راستہ توڑ کر نچلے علاقوں میں تیز رفتار سیلاب لا سکتا ہے۔

یہ لینڈ سلائیڈنگ اپی ہمال دیہی میونسپلٹی کے بھٹّر علاقے میں ہوئی ہے۔ پہاڑ کا ایک بڑا حصہ ٹوٹ کر چولانی ندی میں جا گرا۔ اس کی وجہ سے ندی کا معمول کا بہاؤ متاثر ہوا اور پانی کے راستے میں ملبے کا ڈھیر جمع ہو گیا۔ فی الحال ندی مکمل طور پر بند نہیں ہوئی ہے۔

اس سے پہلے نیپال-تبت سرحد کے قریب اچانک سیلاب آیا تھا، جس میں 1200 سے زائد افراد ہلاک ہو گئے تھے ۔ دارچولا سے اس مقام کا فضائی فاصلہ 500 کلومیٹر ہے۔ مسلح پولیس فورس کے مطابق چولانی ندی میں پانی فی الحال معمول کی سطح پر بہہ رہا ہے۔ تاہم خطرہ اس بات کا ہے کہ پہاڑی علاقہ غیر مستحکم ہونے کے باعث ایک اور لینڈ سلائیڈنگ ہو سکتی ہے۔

گر نیا ملبہ ندی میں گرتا ہے اور پانی کا پورا راستہ بند ہو جاتا ہے تو اوپری جانب پانی جمع ہونا شروع ہو جائے گا۔ کچھ وقت بعد یہ پانی جمع شدہ ملبے یا چٹانوں کی رکاوٹ کو اچانک توڑ سکتا ہے۔ ایسی صورت میں بغیر کسی خاص پیشگی اطلاع کے پانی اور ملبہ تیز رفتاری سے نچلے علاقوں کی جانب پہنچ سکتا ہے۔ اسے فلیش فلڈ یعنی اچانک آنے والا سیلاب کہا جاتا ہے۔

ندی کے کنارے رہنے والوں کو الرٹ کیا گیا دارچولا ضلع انتظامیہ نے چولانی ندی کے نچلے حصے میں رہنے والے لوگوں کو محتاط رہنے کی ہدایت دی ہے۔ لوگوں سے ندی کے کنارے جانے سے گریز کرنے اور کسی بھی اچانک تبدیلی کی صورت میں محفوظ مقام کی جانب جانے کے لیے تیار رہنے کی اپیل کی گئی ہے۔

طرے والے علاقوں میں سیکورٹی فورسز کو بھی تعینات کیا گیا ہے۔ ان کا کام لوگوں کو صورتِ حال سے آگاہ کرنا اور ضرورت پڑنے پر فوری طور پر امدادی کارروائی شروع کرنا ہے۔ مقامی انتظامیہ اور سیکورٹی ایجنسیوں کو مکمل طور پر چوکس رہنے کی ہدایت دی گئی ہے۔ انتظامیہ نے سیلاب اور آفات سے متعلق مدد کے لیے ہنگامی رابطہ نمبر بھی جاری کیے ہیں۔