مختصر جواب
امریکہ نے ایران کی بحری ناکہ بندی کو مزید سخت کر دیا ہے تاکہ ایرانی تیل کی ترسیل کو روکا جا سکے، جس میں خلاف ورزی کرنے والے جہازوں کو ضبط کرنے کی دھمکی دی گئی ہے۔ امریکی سینٹرل کمانڈ نے واضح کیا ہے کہ سمندر میں ایک جہاز سے دوسرے جہاز کو سامان منتقل کرنے کی کوشش بھی ناکہ بندی کی خلاف ورزی سمجھی جائے گی۔
اہم نکات
- امریکہ نے ایران کی بحری ناکہ بندی مزید سخت کر دی ہے۔
- ایرانی بندرگاہوں یا ساحلی علاقوں سے تیل اور دیگر سامان حاصل کرنے والے جہازوں کے خلاف کارروائی کی جائے گی۔
- سمندر میں ایک جہاز سے دوسرے جہاز کو سامان منتقل کرنا ناکہ بندی کی خلاف ورزی سمجھا جائے گا۔
- خلاف ورزی کرنے والے جہازوں کو روکا، تلاشی لی، رخ تبدیل یا قبضے میں لیا جا سکتا ہے۔
- ضرورت پڑنے پر جہاز کو ایرانی بندرگاہ پر واپس جانے کی ہدایت دی جا سکتی ہے۔
- احکامات کی تعمیل نہ کرنے والے جہازوں کے خلاف طاقت کا استعمال بھی کیا جا سکتا ہے۔
امریکہ نے ایران کی بحری ناکہ بندی مزید سخت کردی، ایرانی تیل کی ترسیل روکنے کے لیے نئے اقدامات، خلاف ورزی کرنے والے جہازوں کو ضبط کرنے کی دھمکی
واشنگٹن/تہران، 21 نومبر: امریکہ نے ایران کی بحری ناکہ بندی مزید سخت کرتے ہوئے خبردار کیا ہے کہ ایرانی بندرگاہوں یا ساحلی علاقوں سے تیل اور دیگر سامان حاصل کرنے والے جہازوں کے خلاف بھی کارروائی کی جاسکتی ہے۔ امریکی سینٹرل کمانڈ (سینٹ کام) نے واضح کیا ہے کہ اگر کوئی جہاز سمندر میں ایک جہاز سے دوسرے جہاز کو سامان منتقل کرنے کے ذریعے امریکی پابندیوں سے بچنے کی کوشش کرے گا تو اسے ناکہ بندی کی خلاف ورزی تصور کیا جاسکتا ہے۔
الجزیرہ کی رپورٹ کے مطابق امریکی سینٹرل کمانڈ نے بدھ کے روز جاری ایک ہدایت نامے میں کہا کہ ایسے جہازوں کو روکا جاسکتا ہے، ان کی تلاشی لی جاسکتی ہے، ان کا رخ تبدیل کیا جاسکتا ہے یا انہیں قبضے میں بھی لیا جاسکتا ہے۔ ضرورت پڑنے پر متعلقہ جہاز کو اس ایرانی بندرگاہ پر واپس جانے کی ہدایت بھی دی جاسکتی ہے جہاں سے سامان روانہ کیا گیا تھا۔ امریکی حکام نے خبردار کیا ہے کہ احکامات کی تعمیل نہ کرنے والے جہازوں کے خلاف طاقت کا استعمال بھی کیا جاسکتا ہے۔

