شیو پوری میں کالے کتے کا خوف: 24 گھنٹوں میں 35 افراد زخمی

مدھیہ پردیش کے شیو پوری میں ایک کالے کتے کی وجہ سے دہشت کا ماحول پیدا ہو گیا ہے۔ ہفتے سے اتوار کے دوران اس کتے نے 35 لوگوں کو کاٹ کر زخمی کر دیا۔ کتے نے بچوں اور بڑوں دونوں کو کاٹا ہے، جب کتے کے حملے کی خبریں علاقے میں پھیلنے لگی تو لوگوں میں خوف و دہشت کا ماحول پیدا ہو گیا۔ بتایا جا رہا ہے کہ کالے کتے نے سب سے پہلے شیو پوری کے مانیر علاقے میں لوگوں پر حملہ کیا۔ یہاں کئی لوگوں کو کاٹنے کے بعد وہ راجیشوری روڈ اور پرانی شیو پوری کی طرف پہنچ گیا۔ ان علاقوں میں بھی کتے نے کئی لوگوں کو کاٹا۔ اچانک کتے کے حملے کی وجہ سے لوگ سڑک پر نکلنے سے بھی ڈرنے لگے۔

کتے کے حملے کی اطلاع ملنے کے بعد میونسپل کارپوریشن کی ٹیم متحرک ہوئی۔ ٹیم نے کافی محنت و مشقت کے بعد کالے کتے کو پکڑ لیا۔ اس کے بعد مقامی لوگوں نے راحت کی سانس لی۔ شیو پوری میں آوارہ کتوں کے حملے کا یہ کوئی پہلا معاملہ نہیں ہے۔ کچھ دنوں قبل بھی ایک کتے نے تقریباً 100 لوگوں پر حملہ کیا تھا۔ اب دوبارہ ایک کالے کتے نے 35 لوگوں کو کاٹا ہے، جس کے بعد شہر میں آوارہ کتوں کو لے کر تشویش بڑھ گئی ہے۔ شہر کے کئی علاقوں میں آوارہ کتوں کے جھنڈ دیکھے جاتے ہیں۔

مقامی لوگوں کا کہنا ہے کہ ہر حادثے کے بعد میونسپل کارپوریشن کی ٹیم کارروائی کرتی ہے، جبکہ آوارہ کتوں کے مسئلے کا مستقل حل ضروری ہے۔ خصوصاً بچوں اور بزرگوں کے حوالے سے لوگ زیادہ فکر مند ہیں۔ شیو پوری کے سول سرجن ڈاکٹر رام پرتاپ چوہان نے بتایا کہ ہفتے سے اتوار کے درمیان ڈاگ بائٹ کے 35 معاملے سامنے آئے ہیں۔ ان سبھی لوگوں کا علاج کیا گیا ہ