عوام کا حق: سیاسی نعروں سے آگے بڑھ کر عملی کارکردگی کا مطالبہ

اب وقت آگیا ہے کہ ریاستی عوام سیاسی نعروں اور جذباتی تقریروں سے آگے بڑھ کر عملی کارکردگی کا حساب مانگیں۔ عوام کو یہ حق حاصل ہے کہ وہ اپنے نمائندوں سے پوچھیں کہ انتخابات کے دوران کیے گئے وعدے کہاں گئے، نوجوانوں کے روزگار کے لیے کیا اقدامات کیے گئے اور عام شہری کے مسائل حل کرنے میں حکومت نے کتنی سنجیدگی دکھائی؟

عوام اب سیاسی شعور رکھتے ہیں اور انہیں صرف وعدوں سے مزید گمراہ نہیں کیا جاسکتا۔ ان شاء اللہ مستقبل میں بننے والی حکومت عوامی خواہشات، شفاف جمہوری عمل اور عوامی رائے کی حقیقی ترجمان ہونی چاہیے، نہ کہ خاندانی سیاست اور ذاتی مفادات کی محافظ۔ اقتدار کسی خاندان کی میراث نہیں بلکہ عوام کی امانت ہے، اور اس امانت کا فیصلہ صرف عوام کے ووٹ سے ہونا چاہیے۔