نجی اسکولوں کی من مانی فیسوں پر وزیر تعلیم کا اظہار تشویش

نجی اسکولوں کی جانب سے مبینہ طور پر من مانی، بھاری فیسوں اور مختلف طریقوں سے والدین کو پریشان کرنے کے معاملات پر وزیرِ تعلیم نسیم فردوس نے تشویش کا اظہار کیا۔ انہوں نے کہا کہ نجی تعلیمی اداروں کو اپنی مرضی کے فیصلے کرنے کے بجائے مقررہ قواعد و ضوابط کی پابندی کرنی چاہیے۔

سرینگر میں آج 9 نومبر کو صحافیوں سے بات کرتے ہوئے وزیرِ تعلیم شمیمہ فردوس نے کہا کہ نجی اسکولوں میں کتابوں کے سیٹ کی قیمتیں 6 ہزار سے 10 ہزار روپے تک ہونا باعثِ تشویش ہے۔ انہوں نے کہا کہ اس سلسلے میں محکمہ تعلیم کے اعلیٰ حکام کے ساتھ اجلاس منعقد کیا جائے گا اور جلد ہی ضروری حکم نامہ جاری کیا جائے گا تاکہ والدین پر اضافی مالی بوجھ کم کیا جا سکے۔

والدین کو چاہیے کہ اگر کسی اسکول کی جانب سے غیر ضروری فیس یا مخصوص دکان سے کتابیں خریدنے کے لیے مجبور کیا جا رہا ہے تو وہ متعلقہ محکمہ تعلیم کو شکایت درج کرائیں۔