امریکہ اور ایران میں معاہدے کا امکان، ترکی میں امریکی سفیر کا دعویٰ

ایران اور امریکہ کے درمیان جاری کشیدگی میں کمی اور ممکنہ معاہدے کے حوالے سے اہم پیش رفت کا دعویٰ سامنے آیا ہے۔ ترکی میں تعینات امریکی سفیر کے مطابق دونوں ممالک کسی معاہدے کے قریب پہنچ سکتے ہیں۔ اس بیان کے بعد خطے میں سفارتی کوششوں اور مذاکرات کے امکانات پر نئی توجہ مرکوز ہوگئی ہے۔ امریکی سفیر ٹام بیرک نے اپنے بیان میں قطر اور پاکستان کی سفارتی کوششوں کو بھی سراہا اور کہا کہ دونوں ممالک نے امریکہ اور ایران کو مذاکرات کی میز پر لانے میں اہم کردار ادا کیا ہے۔ انہوں نے امید ظاہر کی کہ آئندہ دو ہفتوں کے دوران کشیدگی کم کرنے کے لیے اہم پیش رفت ہوسکتی ہے۔ دوسری جانب ایرانی قیادت نے واضح کیا ہے کہ کسی بھی معاہدے کے لیے ایران کی شرائط کو تسلیم کرنا ضروری ہوگا۔